之前都講過,我鍾意睇足球係因為我爸爸佢係球迷,由細開始薰陶我,而在86年世界杯後就迷上世界杯,當時有好多球星,如德國路明尼加,荷蘭古列治,意大利巴治奥等,但令我著迷0既一定係馬勒當拿,佢0既球技我暫時到依家都未見有人可超越佢,可憑個人之力令一隊球隊棒杯,真係前無古人後無來者,睇世界杯亦令我諗起我爸爸,所以將來我亦一直都會睇落去,繼續支持阿根廷!!

星期一早上收到朋友通知,先知個倉果道火燭,又唔知係0米燒到正,不過好奇怪,響果一刻我比想像中平靜,因D Toys收藏左0甘耐,我以為燒晒我會發癲,但反而果刻只係覺得可惜,因有D雖然唔值$,但買唔番,不過都係身外物,後來亦確認係對面個單位燒,我個倉果邊因救火0既關係,門鎖爆左,仲有1至2吋水深,算係不幸中之大幸,但要上倉確認災難後情況真係一個奇妙經歷,因成棟樓又未解封又無電,鹹水仲周圍滴緊,漆黑一片,要揸遮同電筒踏步撐上十幾層樓梯,好似拍緊烈火雄心0甘,不過跟住要煩搬去邊.......

最近狀態良好,希望新0既一年,滴滴仔正傳Keep住一星期有一話,祝大家虎年快樂,好似亞滴0甘做隻肥老虎!!

最近有一個决定,就係要繼續0甘定時畫滴滴仔漫畫,所以我會犧牲我Lunch同放工番屋企0既時間去做,仲可能對滴滴仔漫畫有D其他計劃都未定,不過只能隨緣,我依家0既鬥志就好似電影阿凡達裡面為保衛故鄉0既阿凡達人一樣,希望可以 Keep落去!!

上一次參加 Petegg 0既 party應該己經5年前,但之後因工作關係,一直無緣再參加,直至今年先可再一嘗願望,而滴滴仔一出街就由大王變成一隻怕死精,唯一有進步就係響遊戲跑轉馬拉松僅跑倒第3,贏倒一包小Mazuri,抽獎中左一間木屋仔,加埋參加 Party 送0既零食小禮品,總算滿載而歸,希望下年再參加,不過好似我開心過亞滴