很久沒有試過忐忑不安的心情...

還記得兩個星期前才出席過姐姐 L 的龍貓送別儀式... 估不到今天在相同的地方為自己的龍貓舉行一樣的儀式...

下決定的一刻真的很困難....... 自己的工作與腦科有關，從而學會了一點點腦神經的關係，當看到她下半身不能動彈的時候，其實心裡已作了最壞的打算，只還望自己的判斷是錯誤的....

見到了醫生為她檢查的時候，心裡已知自己的判斷是對的... 眼前只有兩個選擇... 如何是好??!!

爸爸只能為減輕您的痛苦而去想，對不起...

姐姐 L 對爸爸說彩虹橋那裡有很多龍貓也在一起，生活得很愉快，以後也不用再受病痛之苦... 爸爸也希望您能到那裡與其他同伴一起開開心心的繼續您的夢啊...

數十年後，當大家於彩虹橋再遇的時候，千萬別噴爸爸尿啊...

放心~ 當佢寫第一篇 blog 時，我就會將佢個名轉返正常俾大家知架啦~~~ 好期待啊~~

Petifarm.com 終於出到街與大家見面了...

由真正籌劃到今日出街，只用了短短的十多日的時間 (不是說笑...)，雖然內容暫時不說得上是很豐富，但我相信只十多天的時間，已是一個不錯的結果~~~

我得首先在此多謝真係肯陪我癲o既 PeekaLabo，佢响由初部同我傾呢個網站o既構思到真正落手去籌劃，都只係用左短短數天時間，之後我不停咁崔谷佢交稿以及 N 咁多次o既修改，佢都一一做到，所以籍此多謝 PeekaLabo。

另外要多謝可能就黎變傻o既兩位小店員 Zoetic 同 ToBeDiff。佢兩個負責呢個網站前期o既大部份籌劃工作，包括大家見到o既 Petifarm 漫畫 "牛牛歷險記" 都係由佢兩個負責構思，我係完完全全咁放手給他們去天馬行空，希望日後大家能見到 Petifarm 有更多天馬行空o既概念會出現。

最後，我亦要多謝為我看守住我o既小店舖o既另外兩位小店員，因為近期响我地努力咁建做 Petifarm o既時候，就係佢地兩個幫我打點小店舖o既一切。

最後，希望大家能感受到我地o既付出以及誠意，期待 Petifarm 能健康成長啊~~

故事係由六年前開始，當年 2001 年有一個傻佬為左讓所有喜愛小寵物o既主人有個聚腳o既地方，於是成立了一間小型寵物店...

隨住時代變遷、科技發達、人的生活習慣改變，呢個傻佬o既理想亦要改變一下先可以繼續實現...

大約响 2006 年左右，呢個傻佬想响網上搞一個寵物主人聚腳地及以漫畫形式與寵物主人分享佢o既喜、怒、哀、樂，但由於佢唔識畫畫，而且工作又困身，重有要返屋企照顧個仔仔... 所以呢個構思一直只係埋藏响佢深深o既腦海之中...

直到 2007 年年底，呢個傻佬o既工作環境突然有所改變，佢可以比以前放更多o既時間去返佢間小型寵物店度... 於是... 佢 2006 年o既構思，又响佢深深o既腦海之中浮返上黎啦...

但要實現呢個構思，呢個傻佬首先要搵個識畫畫o既人... 但係..要搵一個有養小寵物、又要識畫畫、又要肯陪呢個傻佬癲o既人.. 真係好困難........ 就响呢個傻佬煩惱之制... 呢個有養小寵物、又要識畫畫、又要肯陪呢個傻佬癲o既人居然出現... 而呢個 人重要本身都係喜歡養龍貓o既... 問您死未...??!!

重有配合埋原有小型寵物店o既店員們... Petifarm 就慢慢咁誕生啦...